Da Esau Ohana
361Dis da story bout da ohana dat come from Esau - dass da Edom peopo, you know.
2Esau, he marry two wahines from da Canaan ohana. Da firs one he marry, Adah, Elon da Het guy daughta, an da odda one, Oholibamah, Anah daughta, an Anah was Zibeon da Hiv guy boy. 3Afta dat, Esau wen marry Basemat, she Ishmael daughta an Nebaiot sista. 4Adah wen born Elifaz, an Basemat wen born Reuel, 5an Oholibamah wen born Jeush, Jalam, an Korah. All dese boys, dey born fo Esau, Canaan side.
6Lata, Esau take his wifes an his kids, an all da peopo dat work fo him, an his cows and sheeps an goats, an all da stuffs he get wen he live Canaan side, an dey all go one nodda land, mo far from his brudda guy Jacob. 7Cuz da two brudda guys get plenny animal, az why dey no can live togedda. Da land wea dey live befo time, too small fo all dea sheeps an goats. 8Dass how come Esau wen go live up country Se`ir side. (Esau, he get da odda name Edom.)
9So, dis da story bout da Esau ohana. Esau, he da ancesta guy fo da Edom peopo, dat live up country Se`ir side.
Esau Kids
10Now, da names fo da Esau boys: Elifaz, his mudda was Esau wife Adah. Reuel, his mudda was Esau wife Basemat. 11Elifaz, his boys, Teman, Omar, Zefo, Gatam, an Kenaz. 12Elifaz, Esau boy, had one wahine Timna dat was his odda wife. She wen born Amalek fo Elifaz. Dea granmudda, Esau wife Adah. 13Reuel, his boys, Nahat, Zerah, Shammah, an Mizzah. Dea granmudda, Esau wife Basemat. 14Oholibamah, dass Anah daughta an Zibeon grandaughta, she was Esau wife. Her boys, Jeush, Jalam, an Korah.
15Now, da importan guys dat come from Esau kids. From Esau's numba one boy Elifaz, get Teman, Omar, Zefo, an Kenaz. Dey was da main guys fo dea ohanas. 16Same ting fo Korah an Gatam an Amalek. Dass da main guys fo da Elifaz ohanas dat live Edom land. All dem wen come from Adah. 17From Esau boy Reuel, get Nahat, Zerah, Shammah, an Mizzah dat was da main guys fo dea ohanas. Dese ohanas live Edom land, an dey all come from Reuel, and he come from Esau wife Basemat. 18From Esau wife Oholibamah, get Jeush an Jalam an Korah dat was da main guys fo dea ohanas. Dis da main guys fo da ohanas dat come from Oholibamah, Esau wife, Anah daughta. 19Dass da story bout Esau boys, an all da main guys fo da ohanas dat come from Esau. (Esau get da odda name, Edom.)
Da Se`ir Ohana
20Dis, da ohana dat wen born fo Se`ir da Hor guy. Dey wen live inside dat same land: Lotan, Shobal, Zibeon, Anah, 21Dishon, Ezer, an Dishan. Dey da main guys fo da Hor peopo ohanas, dat wen come from Se`ir, Edom land.
22Lotan, his boys Hori an Hemam. Lotan sista, her name Timna. 23Shobal, his boys Alvan, Manahat, Ebal, Shefo, an Onam. 24Zibeon, his boys Ayah an Anah. (Dis Anah guy, as da same one dat was inside da boonies taking care da donkeys fo his fadda guy Zibeon, an he wen find one place wea get hot watta dat come outa da groun.) 25Anah, he get two kids, his boy Dishon an his daughta Oholibamah. 26Dishon, his boys, Hemdan, Eshban, Itran, an Cheran. 27Ezer, his boys, Bilhan, Za`avan, an Akan. 28Dishan, his boys, Uz an Aran.
29Now, da main guys fo da ohanas dat come from da Hor peopo: get Lotan, Shobal, Zibeon, Anah, 30Dishon, Ezer, an Dishan. Dey da main guys fo da ohanas dat come from da Hor peopo, Se`ir side.
Da King Guys Edom Side
31Edom side, ova dea had king guys dat was in charge, long time befo da Israel peopo wen get king guys. 32Bela, Beor boy, he was king Edom side. His town get da name, Dinhabah. 33Den Bela mahke, an Jobab, Zerah boy from Bozrah side, he come king. 34Jobab mahke, an Husham, dat come from da land wea da Teman peopo live, he come king. 35Husham wen mahke, an Hadad, Bedad boy, he come king. He da one wen bus up da Midian peopo inside da boonies Moab side. His town get da name, Avit. 36Hadad mahke, an Samlah from Masrekah, he come king. 37Samlah mahke, an Shaul from Rehobot (da one by da Eufrates Riva), he come king. 38Shaul mahke, an Ba`al-Hanan, Akhbor boy, he come king. 39Ba`al-Hanan, Achbor boy, mahke, an Hadar, he come king. His town get da name, Pa`u. Hadar wife was Mehetabel. Mehetabel mudda was Matred, dat was Mezahab daughta.
40So, dis da names fo all da main guys fo da Esau ohanas. Ery ohana get dea own place. All da ohana names, dey come from dea main peopo: Timna, Alvah, Jetet, 41Oholibamah, Elah, Pinon, 42Kenaz, Teman, Mibzar, 43Magdi`el, an Iram. Dey da main peopo fo da Edom ohanas, dat wen come from Esau, da ancesta guy fo all da Edom peopo. An dass da places wea ery ohana get dea own land.