491Lata, Jacob tell all his boys fo come by him. He say, “Come togedda aroun me. I goin tell you guys wat goin happen to you afta I mahke.
“Reuben! You my numba one boy.
You da numba one in da family,
But eh! You not too strong inside, jalike da wave watta!
Cuz you wen make sex wit my odda wife,
“Simeon an Levi! Dey same kine brudda guys.
No go tink dat I like make plan wit dem guys.
Cuz wen dey come huhu, dey kill peopo,
I like bad ting happen to dem weneva dey come real huhu,
Az why I goin put dem one side, inside da Jacob ohana,
“Judah! Yoa brudda guys,
Erybody dat go agains you,
Judah, he jalike one young lion.
Jalike da lion, he lay on top da groun,
Judah, da spesho stick dass fo show he da king,
Peopo from odda place goin bring him money an all kine stuffs,
“Judah get plenny grape farm,
He no need watta fo make his clotheses come clean,
His eye, shine mo den da wine.
“Zebulon! He goin live by da beach.
“Issachar! He jalike one donkey dat get strong bones
He figga, az good place fo rest.
All da time, he jus one worka guy.
“Dan! He goin be da judge fo his peopo,
Dan goin be jalike one snake dat stay nea da road,
Fo bite da horses feet
“Eh Yahweh! I stay waiting fo you, God,
“Gad! Goin get steala guys dat come togedda an bus him up.
“Asher! He goin make fancy kine bread,
“Naftali! He jalike one wahine kine deer
“Joseph! He jalike one tree branch dat get plenny fruit
Jalike one branch wit leafs,
“Da army guys dat use bow an arrow,
But Joseph, his bow neva lose fight
Cuz da Strong God, da one I pray to, me, Jacob,
Jalike God da Sheep Farma dat take care me,
God, he da God fo me,nyoa fadda guy,
He make good kine stuff come down from da sky fo you,
An from da wahine dat give you kids from her belly an her breastes.
“Me, yoa fadda, I like da good tings dat I do fo you
An from da nice tings dat get
I like all dis good stuff come to Joseph,
“Benjamin! He jalike one wild dog dat go afta da animals.
Evening time, he half half da stuff he steal.”
Dass da twelve ohanas dat come from Israel, an dass wat dea fadda guy tell um wen he make da spesho blessing fo dem. Fo ery boy, he wen give um da kine words dat stay right fo him.
Den Israel tell his boys wat dey gotta do. He say, “Pretty soon, I goin mahke an go meet my peopo. Bury me da place wea my ancesta guys stay, ova dea inside da cave inside da piece land dat Efron da Het guy had,
da one inside da Makpelah field, wea can see Mamre, Canaan land. Dass the land dat Abraham wen buy fo bury his peopo dea, from Efron da Het guy.
Dass da place dey wen bury Abraham an his wife Sarah. Same ting fo Isaac an his wife Rebecca. Dass da same place I wen bury Leah.
Az da land wit da cave inside dat our ancesta guy wen buy from da Het peopo.”
Afta Jacob pau tell his boys wat dey gotta do, he wen pull his feets inside da bed. Den he breave da las time an mahke, an he go meet his peopo from befo time.