191Me, Isaiah, I get heavy kine stuff fo tell bout wat I see goin happen to da Egypt peopo:
Yahweh stay coming Egypt side,
Da idol kine gods da Egypt peopo pray to
Da Egypt peopo stay plenny scared
God tell: “I goin make da Egypt peopo go agains each odda.
One guy goin fight his own friends.
One king guys goin fight anodda king guys.
Da peopo inside Egypt goin lose fight.
Dey goin go aks dea idol kine gods,
I goin turn ova da Egypt peopo
One strong king goin take charge a dem.”
Da Nile Riva watta no goin be nuff
Da place wea da riva watta go, goin stay all dry,
All da watta canal goin come stink.
No goin get plants on da side a da Nile Riva
Da fields dey wen plant by da Nile Riva
Da fisha guys goin moan an get sad face.
Wit hook an net, dey goin stay sad.
Da guys dat make ready da flax plants
An da guys dat weave da white cotton,
All da stuff dat stay da mos importan fo da Egypt land
All da peopo dat work fo pay,
Fo shua, da leada guys fo Zoan town, Egypt side,
An da mos smart guys,
Wat fo do,
So! How you guys goin tell da Pharaoh guy,
Dey was smart guys dat know wat fo do erytime,
So! Wea yoa smart guys stay now,
Let dem tell you wat Yahweh's plan,
Da leada guys fo Zoan town,
Yahweh, him da one wen make da Egypt peopo
Cuz a Yahweh, da leada guys make dea peopo
Da Egypt peopo, dey jalike one drunk guy
Da Egypt peopo no goin can work notting,
Dat time, da Egypt peopo goin come jalike da wahines. Dey stay scared an shaking, wen dey see dat Yahweh, Da God Ova All Da Armies, put up his hand an shake um cuz he goin wack um.
Anyting dat come from da Judah land, goin scare da Egypt peopo plenny. Weneva somebody tell dem bout da Judah land, dey goin come real scared cuz a wat dey know, wat Yahweh, Da God Ova All Da Armies, stay plan fo do agains dem.
So. Afta Yahweh goin make da Egypt peopo come real sick, den he goin make um come good. Den dey goin come back to Yahweh, an wen dey aks him fo help um, he goin make um come good. Dat time, goin get five towns Egypt side wea da peopo talk da Hebrew language. Da peopo inside dose towns, goin make strong promise fo stick wit Yahweh, Da God Ova All Da Armies. But one town goin get da name “Da Town Dat All Bus Up.”
Dat time, goin get one altar fo make sacrifice fo Yahweh inside da middo a da Egypt land, an one big stand up stone fo rememba Yahweh, da end a da Egypt land. Da altar an da stand up stone goin be jalike one sign, dat tell peopo ova an ova inside Egypt bout Yahweh, Da God Ova All Da Armies. Weneva da peopo dea call Yahweh cuz odda peopo making dem suffa, Yahweh goin send one guy fo help get dem outa trouble. Yahweh goin let da Egypt peopo know who him, an wen he do dat, dey goin know Yahweh fo real kine. Dey goin make sacrifice an give wheat o barley gif fo him, cuz now dey get Yahweh fo dea boss. Dey goin make strong promise to him an den do wat dey promise fo do.
Dat time, goin get one big road go from Egypt to Assyria. Da Assyria peopo goin go Egypt side, an da Egypt peopo goin go Assyria side. An dey goin work togedda, fo Yahweh.
Dat time da Israel peopo goin make one deal wit da Assyria peopo an da Egypt peopo, da three a dem togedda. Cuz dey come togedda, real good stuff goin happen fo all da peopo in da world.
Cuz Yahweh, Da God Ova All Da Armies, he goin do good stuff fo all a dem. He goin say, “I goin make good stuff happen to my peopo, da Egypt peopo, an to da Assyria peopo dat I wen make, an to da Israel peopo dat goin be mines foeva!”