Wen King Hezekiah hear wat da Assyria guy tell dem, he come real sore inside. He go broke his clotheses, an put on burmbag kine cloth fo show how he feel. Den he go inside da Temple.
He tell Eliakim, da guy dat stay in charge da palace, Shebna, da secretary guy, an da older pries guys fo put on burmbag cloth an go by Isaiah, Amoz boy, da one dat talk fo God.
Dey tell Isaiah, “Dis wat King Hezekiah tell: ‘Dis one day all us feel all bum out. God stay show dat us guys wen do wrong, an make us shame. Us stay jalike wen one bebe goin born, but da mudda not strong nuff fo born um.
Maybe yoa God Yahweh wen hear wat da territorial govna guy say, an goin do someting. Cuz da govna guy boss, da Assyria king, wen send da govna ova hea fo talk stink bout Yahweh, da God dat stay alive fo real kine. Da tings dat yoa God Yahweh wen hear dat guy tell, maybe God goin show proof dat dey wrong. Az why you gotta pray fo da peopo dat still yet goin stay alive afta dey do wateva dey goin do.’-”
Afta King Hezekiah helpa guys come by Isaiah,
Isaiah tell dem, “Go tell yoa boss dis, da ting Yahweh tell me awready: ‘No scared cuz a all wat you wen hear, all dat stink stuff da slave guys fo da Assyria king stay tell.
Dis wat I goin do: I goin put one spirit inside da Assyria king fo make um tink how I like. He goin hear wat somebody tell him, an cuz a dat, he goin go back his own country. Den bumbye, I goin make somebody kill um wit one sword, inside his own land.’-”
Den da Assyria territorial govna guy hear dat da Assyria king an his army wen leave Lakish town. So da govna guy go back an find da king fighting agains Libnah town.
Lata, Sennakerib, da Assyria king, hear someting bout Tirhakah, da king from Sudan. Somebody tell Sennakerib, “Tirhakah come out fo fight agains you Assyria guys.”
Wen Sennakerib hear dat, he send guys by Hezekiah. He tell dem
fo tell Hezekiah da Judah king dis:
“I know you stay trus yoa god, so you tink, ‘My God no goin let da Assyria king take ova Jerusalem town.’ But no let yoa god bulai you!
Tink bout dis: You awready wen hear wat us king guys Assyria side an oua army guys wen do to all da odda countries. We wipe um all out, fo give dea land to oua god. So, you tink you goin get outa dat?! No way!
Da gods fo da peopos from Gozan, Haran, Rezef, an da Eden peopo inside Tel Assar -- you tink dea gods wen get da peopos outa trouble, da time my ancesta guys wipe dem out? Not even!
Now, wea da kings fo Hamath, Arpad, Sefarvaim town, Hena, Iva?! Dey all gone!”
Afta Hezekiah read da letta from da messenja guys, he go up to da Temple Fo Yahweh. He spread out da letta in front Yahweh.
Den Hezekiah pray to Yahweh:
“Yahweh! You, da God Ova All Da Armies. You da God fo us Israel peopo. You get yoa spesho place right hea inside dis Temple, inside da spesho room wit da awesome angel watcha guys on top da Box. You da ony One dass God fo real kine, cuz you da God ova all da kings an dea peopos all ova da world. Was you, da One dat wen make da sky an da earth.
Lissen real good, Yahweh! Open yoa eyes an look! Hear all da stuff Sennakerib wen tell fo talk stink bout you, da God Dat Stay Alive Fo Real Kine!
“Az true, Yahweh, dat da Assyria king guys wen go wase all da diffren countries an dea land,
an throw all da idol kine gods da peopo wen make inside da fire an wipe um out. Cuz dose idols, dey not real gods, but ony wood an stone statue.
Now, oua God Yahweh, get us outa trouble an no let da Assyria king hurt us. Den, all da kings an dea peopos all ova da world, dey goin know dat you Yahweh, da ony God dass fo real!”
21Den Isaiah, Amoz boy, send dis letta to Hezekiah:
Dis da ting Yahweh, da God fo da Israel peopo, tell me:
‘My peopo inside Jerusalem town
Dat tink you no good, an dey laugh at you.
Who you wen make shame, Sennakerib?!
You wen go talk strong agains me!
You wen send guys dat work fo you,
You wen tell, “Me, Sennakerib,
I can go on top a da high mountains,
Fo cut down da mos tall cedar trees
Me, I da kine guy can go all da way to da end
Wen I go thru da streams
“‘Sennakerib, you neva hear, o wat?
An now I stay make um happen --
An fo you make da peopo dat live dose towns
Dey come jalike da plants dat grow inside one field,
O da grass dat grow on top da roof
“‘But I know wea you stay, Sennakerib.
Cuz you stay hot fo go agains me,
I, Yahweh, goin make you my prisona
Jalike I put one hook inside yoa nose,
An I goin make you go back yoa own place
“An fo you, Hezekiah, dis da sign I, Yahweh, give you:
Dis year, eat da wheat dat grow dea awready
But da year numba three, plant seed an cut um fo food.
One mo time, goin get some a da Judah peopo
Dey goin be jalike one plant
Cuz da res a da peopo from Jerusalem goin come.
Yahweh, Da God Ova All Da Armies,
Az why dis wat Yahweh tell bout da Assyria king:
His guys no goin shoot arrow ova hea.
O pile up dirt by da wall
Da same way he wen come,
He no goin come inside dis big town.”
An he tell, “I no goin let da Assyria army come inside dis town!
I goin do all dat fo me
Den one angel messenja guy from Yahweh go out fo fight. He kill 185,000 army guys inside da Assyria camp. Wen da odda peopo get up early da nex morning, get plenny mahke bodies all ova da place!
Az why Sennakerib, da Assyria king, get outa dea quick an go way. He go back Nineveh town an stay ova dea.
Lata, one time wen Sennakerib go down fo pray inside da temple fo his god Nisrok inside Nineveh, his own boys Adramalek and Sharezer wen take dea sword an kill him. Den dey run away to da Ararat land. Esarhaddon, Sennakerib's odda boy, come da nex king fo da Assyria peopo.