601Yahweh tell: “You Jerusalem peopo,
Cuz now, you get light from me, Yahweh.
Dat make you peopo come awesome too,
But Me, Yahweh, I da One bring da light fo you guys.
King guys goin come fo see da light too,
Yoa boys come from far away.
You goin stay shaking cuz you feel real good inside,
All da kine stuffs da trader guys bring
An rich kine stuffs goin come fo you guys
Dey all goin come from Yemen
Fo make good kine sacrifice on top my altar.
Da big boats from Spain come firs
Dey come, cuz dey know
Da Good An Spesho God fo da Israel peopo,
Befo time, I wen stay huhu with you guys
But now, I like do good tings fo you guys
So peopo can bring rich kine stuffs fo you guys
Wen dea king guys come by yoa town,
Wood from da tall pine tree,
Dea kids goin come by you guys
Erybody dat wen ack like dey tink you no good,
Dey goin call yoa town, ‘Yahweh's Town,
Da Town Fo Da One
But now, I goin make you guys come
Jalike one mudda nurse her bebe
An you guys goin know dat me, Yahweh,
I da One dat pay da price
I goin bring you guys bronze an not wood.
Eryting goin come good fo you guys,
Peopo goin do wass right erytime,
Nobody goin wipe out stuff
But wen you guys build one town wall,
An wen you guys put up one town gate,
Me, Yahweh, I goin be da light fo you guys foeva.
Me, Yahweh, I goin come da light fo you guys foeva.
Jalike I plant one young plant
I do all dat myself
Me, I Yahweh!