One time, Yahweh Da Boss tell me, “Go get someting big fo write on top um. Den write da regula way, ‘Dis Fo Maher-Shalal-Hash-Baz.’ (Dat mean, ‘Rip um off an run away quick!’)
I goin tell da pries guy Uriah, an Zekariah Jeberekiah's boy, fo come watch you write dat, cuz erybody know dey can trus dem guys an wat dey tell bout wat you wen write an wat time you write um.”
Afta I do dat, I go sleep wit my wife, da wahine dat talk fo God. She get hapai, an born one boy. Yahweh tell me, “Call him Maher-Shalal-Hash-Baz.
Az cuz befo dis small boy wen learn how fo say ‘Papa’ o ‘Mama’, da Assyria army guys goin steal all da rich kine stuffs inside Damascus town an Samaria town. Dey goin bring um to da king fo Assyria.”
One mo time Yahweh talk to me fo tell dis:
“Dis Judah peopo stay tink
No matta I do good tings fo dem,
But dey ony feel good cuz dey wen hear
Cuz dey no like wat I do fo dem,
I Yahweh, goin bring da king fo Assyria ova hea,
Dey goin wack um
Dat go all ova da land
Wen da armies come,
An da wings cova yoa whole land, Immanuel!
Lissen, you peopo in all da far places in da world,
You, get ready fo fight one mo time!
You goin talk an make plan,
You talk bout wat fo do,
Cuz God stay wit us.
Dis da ting Yahweh tell me, wen he take my hand fo make me strong. He tell me fo take care no go da same way dose peopo go.
“No go tink you an yoa friends making plan fo do someting bad,
Wen dis peopo stay scared bout someting,
Me, I da one you guys gotta tink bout,
You gotta be scared a me.
But fo da Judah ohana an da Israel ohana,
Jalike plenny peopo goin fall down ova dat big stone,
An jalike dey goin get stuck inside dat trap
“Go write all dis down, fo make proof az true.
Fo keep inside dea hearts foeva,
So, I goin wait, cuz I stay shua Yahweh goin come.
Look - I stay right hea wit da kids Yahweh wen give me.
Even oua names show
Peopo goin tell you, “Go by da wahines dat talk to da mahke peopo, an da guys dat know da kine spirit dat wispa an make small kine noise you no can undastan. Aks dem fo tell you wat goin happen bumbye.” But, eh! Mo betta da peopo go aks dea God wat goin happen, yeah?! No make sense, talk to da mahke peopo, an tink dat goin help da guys dat stay alive!
Check out wat dem guys dat lissen to da spirits say. See if dey tell da same ting God's Rules tell, an if dey talk da same kine jalike wat you know Yahweh tell. If dey talk diffren kine, den wat dey tell no goin help you undastan notting.
Da peopo goin go all ova da land, one side to da odda side. Dey goin feel plenny presha an dey goin stay hungry. An cuz dey hungry, dey goin come real huhu. Dey goin look up an swear at dea king an dea God.
Dey goin look at da land, but dey ony see hard time dey goin get ova dea, jalike one dark time dat goin come, jalike da peopo get plenny presha an no can see notting, jalike somebody goin throw um all outside, inside da dark.